Xalq deputatlari Bekobod tumani Kengashi deputati J. Shaxmayev o‘zining saylov okrugi hududida joylashgan Qolg‘onsir–Konsoy avtomobil yo‘lining 0–15 kilometr qismida amalga oshirilayotgan asfaltlash ishlari bilan tanishdi. Deputat mazkur jarayonning sifati, xavfsizlik talablari va loyihada belgilangan muddatlarga rioya etilishi bo‘yicha o‘rganishlar olib bordi. 

🔧 Ma’lum qilinishicha, qurilish-ta’mirlash ishlari belgilangan reja asosida izchil davom etmoqda. Mazkur yo‘lning yangilanishi natijasida Qolg‘onsir mahallasi aholisi yaqin kunlarda silliq, xavfsiz va qulay yo‘ldan foydalanish imkoniyatiga ega bo‘ladi.