Bugun tuman Kengashi deputati Xasan Kuldashev "Uchturgon" mahallasi yettiligi bilan uchrashuv o‘tkazdi. Muloqot davomida hududda amalga oshirilayotgan islohotlar va dolzarb masalalar yuzasidan fikr almashildi.

Uchrashuvdan so‘ng deputat mahalladagi 13-sonli Davlat maktabgacha ta’lim tashkilotida olib borilayotgan qurilish-ta’mirlash ishlari bilan tanishdi. Qurilish jarayonining sifati, bajarilayotgan ishlar hajmi va muddatlarga alohida e’tibor qaratildi. Deputat mas’ullarga belgilangan ishlarni o‘z vaqtida va sifatli yakunlash yuzasidan tegishli tavsiyalar berdi.