Xalq deputatlari Shirin shahar Kengashi 12-Beruniy saylov okrugidan saylangan deputat Xolmatov Umidjon Komiljonovich “Do'stlik” MFYdagi 1-son maktabgacha ta’lim tashkiloti rekonstruksiya qilish jarayonlari bilan yaqindan tanishdi. 

⚡️U qurilish va ta’mirlash ishlari qanday olib borilayotganini joyida ko‘zdan kechirib, ishlarning sifatiga va davlat me’yorlariga rioya qilinishiga alohida e’tibor qaratdi. Deputat ish jarayonida mutasaddilar bilan suhbatlashib, qurilishda foydalanilayotgan materiallarning sifati va xavfsizlik choralarining to‘liq ta’minlanishi masalalarini muhokama qildi.

💠Ta’lim sifatini oshirish va muassasaning 

moddiy-texnik bazasini mustahkamlash bo‘yicha takliflarini bildirar ekan, ishlarning belgilangan muddatda va davlat standartlariga to‘liq mos ravishda bajarilishini ta’minlash uchun mas’ullarga qat’iy topshiriqlar berdi.