Deputatlar 4-Beruniy saylov okrugi hududidagi "Beruniy" mahalla fuqarolar yig‘inida bo‘lib, mahalladagi mavjud muhit, aholi muammolari va amalga oshirilayotgan islohotlarning ijrosi bilan yaqindan tanishdilar.

Asosiy e’tibor qaratilgan yo‘nalishlar:
"Mahalla yettiligi" faoliyati samaradorligi: Mahalladagi yangi tizim mas’ullarining o‘zaro hamjihatligi, kundalik vazifalarni bajarishdagi hamkorligi va aholi bilan manzilli ishlash holati tahlil qilindi.
Yoshlar yetakchisi faoliyati: Mahalladagi yoshlar bilan ishlash holati, ularni qo‘llab-quvvatlash, bandligini ta’minlash, bo‘sh vaqtini mazmunli tashkil etish hamda kasb-hunarga yo‘naltirish borasida amalga oshirilayotgan ishlar ko‘zdan kechirildi.

Qaror va farmonlar ijrosi nazorati: Mamlakatimizda yoshlar siyosati, mahalla institutini yanada rivojlantirish va aholi farovonligini oshirish yuzasidan qabul qilinayotgan ustuvor farmon va qarorlarning joylardagi ijrosi qat’iy nazoratga olindi.
O‘rganish jarayonida aniqlangan masalalar yuzasidan mas’ullarga tegishli tavsiyalar berilib, deputatlik nazorati asosida hal etilishi lozim bo‘lgan vazifalar kelishib olindi.