MAKTABGACHA TA’LIM TASHKILOTLARINING KUZ-QISH MAVSUMIGA TAYYORGARLIGI O‘RGANILDI

📌 Xalq deputatlari Boysun tumani Kengashining 23-Darband saylov okrugidan saylangan deputati Mahamadinova Sayohat Sobirovna tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari bilan birgalikda o‘z saylov okrugidagi maktabgacha ta’lim tashkilotlarida bo‘ldi.

🔎 O‘rganish davomida maktabgacha ta’lim tashkilotlarida tarbiyalanuvchilar uchun yaratilgan shart-sharoitlar, ta’lim-tarbiya jarayonini tashkil etish holati hamda muassasalarning kuz-qish mavsumiga tayyorgarligi ko‘zdan kechirildi.

❄️ Shuningdek, sovuq kunlarda tarbiyalanuvchilar uchun qulay va xavfsiz muhitni ta’minlash, isitish tizimlarining sozligi hamda mavsumni muammosiz o‘tkazishga qaratilgan tayyorgarlik ishlariga e’tibor qaratildi.

🤝 Bunday o‘rganishlar maktabgacha ta’lim tashkilotlaridagi mavjud holatni baholash, aniqlangan kamchiliklarni bartaraf etish va bolalar uchun munosib sharoitlarni ta’minlashga xizmat qiladi.