NOGIRONLIGI BO‘LGAN BOLALAR UCHUN INKLYUZIV MUHIT YARATISH ISHLARI O‘RGANILMOQDA

📍 Xalq deputatlari Paxtakor tumani Kengashi qarori bilan tasdiqlangan tumandagi 13 ta umumta’lim maktabida alohida ta’lim ehtiyojlari bo‘lgan bolalar uchun zarur shart-sharoitlar yaratish va inklyuziv ta’lim muhitini rivojlantirish bo‘yicha ishlar olib borilmoqda.

Paxtakor tumani Kengashi hamda “Inson” ijtimoiy xizmatlar markazi hamkorligida maktablarda bo‘lib, yaratilayotgan imkoniyatlar, amalga oshirilayotgan ishlar hamda mavjud muammolarni o‘rgandi.

O‘rganish davomida aniqlangan kamchiliklarni bartaraf etish, ta’lim muassasalarida qulay va xavfsiz muhitni shakllantirish hamda inklyuziv ta’lim sifatini yanada oshirish masalalariga alohida e’tibor qaratildi.

✅ Asosiy maqsad — har bir bolaning sifatli ta’lim olish huquqini ta’minlash, teng imkoniyatlar yaratish va ularning ta’lim jarayonida to‘laqonli ishtirok etishiga ko‘maklashish.