Yoshlar bilan ishlash faoliyati o‘rganildi

Xalq deputatlari Pastdarg‘om tumani Kengashi deputati M. Pardayev tomonidan 2026-yil 5-oktabr kuni “Deputat daftari” doirasida Navro‘z mahallasi yoshlar yetakchisi Shaxzod Maxmarayimovning mahalla yoshlari bilan ishlash faoliyati o‘rganildi.

📌 Bugungi kunda mahallada 1 200 nafardan ortiq yoshlar istiqomat qiladi.

O‘rganish davomida yoshlar bilan ishlash yo‘nalishida amalga oshirilayotgan ishlar yuzasidan quyidagi ma’lumotlar qayd etildi:
💎 7 nafar yosh ijtimoiy reyestrga kiritilgan;
💎 10 nafar yosh savdo va xizmat ko‘rsatish yo‘nalishida o‘z biznesini yo‘lga qo‘ygan;
💎 12 nafar yoshga imtiyozli kredit olishda amaliy yordam ko‘rsatilgan;
💎 112 nafar yoshga daromad manbaiga ega bo‘lishi uchun yer maydonlari ajratilgan;
💎 115 nafar yosh oliy ta’lim muassasalarida tahsil olmoqda.

🌐 Shuningdek, xorijda bo‘lib, yetarli daromad topa olmayotgan yoshlar bilan aloqalar o‘rnatilib, ularni Vatanga qaytarish va ish bilan ta’minlashga ko‘maklashish bo‘yicha ishlar olib borilayotgani ta’kidlandi.

📱 Mahallada yashovchi 80 nafardan ortiq yosh uchun Samarqand shahridagi ishlab chiqarish korxonalarida mehnat qilish imkoniyatlari yaratilgan.

🌐 O‘rganishdan asosiy maqsad — mahalla yoshlarining bandligini ta’minlash, tadbirkorlik tashabbuslarini qo‘llab-quvvatlash, ta’lim olishiga ko‘maklashish hamda muammolarini manzilli hal etish borasidagi ishlarni kuchaytirish.