Xalq deputatlari Mirzo Ulug‘bek tumani Kengashi deputati, O‘zXDP a’zosi Gulchexra Axmedova “Alisherobod” mahallasida sayyor qabul o‘tkazdi.

Qabulda Mirzo Ulug‘bek tumani hokimining birinchi o‘rinbosari A.Gulyamov hamda “O‘zsanoatqurilishbank” ATB mas’ullari ishtirok etib “Alisherobod” mahallasida Ijtimoiy himoya yagona reyestrida ro‘yxatda turuvchi fuqarolar bilan uchrashdi.

Uchrashuvlarda oilalarning ijtimoiy holati, daromad manbalari va turmush sharoitlari atroflicha o‘rganildi. Muloqotlar davomida kambag‘allikni qisqartirish, aholi bandligini ta’minlash hamda oilalar daromadlarini oshirish masalalariga alohida e’tibor qaratildi.

Fuqarolarning murojaatlari, muammo va takliflari tinglanib, ularni ishga joylashtirish, moddiy yordam ko‘rsatish hamda ijtimoiy masalalar yuzasidan huquqiy maslahatlar berildi.

Shuningdek, har bir murojaat bo‘yicha mas’ullar biriktirilib, muammolarni ijobiy hal etish yuzasidan tegishli topshiriqlar belgilab olindi.