Xalq deputatlari Toshloq tuman Kengashi deputati F.Xujamberdiyev “Aylanmajar” mahalla fuqarolar yig‘inida ichki ko‘chalari yo‘l infratuzilmasini yaxshilash bo‘yicha amalga oshirilishi belgilangan ishlarni tahlil qilindi.

O‘rganish davomida Toshloq tuman Kengashining 2026-yil 22-maydagi “O‘zbekiston Respublikasi Vazirlar Mahkamasining 2024-yil 11-oktyabrdagi 665-son qaroriga muvofiq tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki manzilli ro‘yxatini tasdiqlash to‘g‘risida”gi VII - 21- 34 - 11 -160 - K/26-sonli qarori ijrosi holati o‘rganildi.

Mazkur dastur doirasida mahalla hududidagi ichki ko‘chalarning yo‘l infratuzilmasini bosqichma-bosqich yaxshilash, mavjud yo‘llarni saqlash va joriy ta’mirlash, shuningdek, aholi uchun qulay hamda xavfsiz transport harakatini ta’minlash maqsadida amalga oshirilayotgan asfaltlash ishlari joyiga chiqib ko‘zdan kechirildi.

O‘rganish jarayonida bajarilayotgan ishlarning belgilangan manzilli ro‘yxatga muvofiqligi, yo‘l qoplamasining sifati va ishlarning amaldagi holati ko‘rib chiqilib, aniqlangan masalalar yuzasidan mas’ullarga tegishli tavsiya va ko‘rsatmalar berildi.