Xalq deputatlari Qo‘qon shahar Kengashi deputati M.Mavlonqulov tomonidan “Achchiqko‘l” mahalla fuqarolar yig‘inida hokim yordamchisi G‘.Tursunov bilan birgalikda ajratilgan kredit mablag‘laridan foydalanish hamda aholini tadbirkorlik faoliyatiga yo‘naltirish borasida amalga oshirilayotgan ishlar o‘rganildi.

O‘rganish davomida mahallada aholining tadbirkorlik tashabbuslarini qo‘llab-quvvatlash, yangi daromad manbalarini yaratish va kredit mablag‘laridan maqsadli foydalanish holatiga alohida e’tibor qaratildi.

Jumladan, Qaynar ko‘chasi 9-uyda yashovchi fuqaro T.Toirovga novvot ishlab chiqarishni yo‘lga qo‘yish maqsadida 40 million so‘m miqdorida kredit mablag‘lari ajratilgani o‘rganildi.

Fuqaro tomonidan mazkur kredit mablag‘laridan maqsadli foydalanilib, oilaviy hunarmandchilik faoliyati yo‘lga qo‘yilgani hamda ajratilgan mablag‘lar belgilangan yo‘nalish asosida sarflanayotgani qayd etildi.

O‘rganish davomida aholini tadbirkorlikka keng jalb etish, oilaviy hunarmandchilikni rivojlantirish va fuqarolarning barqaror daromad manbalarini shakllantirishga ko‘maklashish masalalari yuzasidan fikr almashildi.

Xalq deputatlari Qo‘qon shahar Kengashi