#Doimiy_komissiya
#Ish_rejasiga_asosan

DOIMIY KOMISSIYA A’ZOSI TA’LIM MUASSASASINING KUZ-QISH MAVSUMIGA TAYYORGARLIK HOLATINI O‘RGANDILAR

Xalq deputatlari Bandixon tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi ish rejasiga muvofiq navbatdagi o‘rganish tadbiri o‘tkazildi.

O‘rganish davomida doimiy komissiya a'zosi U.Jumayev tumandagi 32-sonli umumta’lim maktabida bo‘lib, muassasaning kuz-qish mavsumiga tayyorgarlik holatini ko‘zdan kechirdi.

Tadbir davomida maktabning isitish tizimi, ko‘mir va boshqa yoqilg‘i zaxiralari, binoning issiqlik saqlash imkoniyatlari hamda muhandislik-kommunikatsiya tarmoqlarining shayligi atroflicha o‘rganilib, aniqlangan kamchiliklarni qisqa muddatlarda bartaraf etish bo‘yicha tegishli tavsiya va ko‘rsatmalar berildi.