Xalq deputatlari Tuproqqal‘a tuman Kengashi deputati Zafarbek Davlatov o‘zi saylangan mahalla aholisi bilan O‘zbekiston Respublikasining 2021-yil 1-aprelda qabul qilingan “Tomorqa xo‘jaligi to‘g‘risida”gi O‘RQ-681-son Qonuni mazmun-mohiyati yuzasidan davra suhbati o‘tkazdi.
Davra suhbatida mazkur Qonunning aholi hayotidagi ahamiyati, tomorqa xo‘jaligidan samarali foydalanish hamda qonunda belgilangan huquq va imkoniyatlar haqida fikr-mulohazalar bildirildi.
Suhbat davomida ishtirokchilar o‘zlarini qiziqtirgan savollarga javob oldilar. Deputat tomonidan bugungi globallashuv davrida qonunlarning xalq manfaatlariga qanchalik yaqinligi, ularni hayotga samarali tatbiq etish imkoniyatlarining kengligi qonunlarning amaliy ahamiyatini belgilovchi muhim omil ekani ta‘kidlandi.
Shuningdek, “Tomorqa xo‘jaligi to‘g‘risida”gi Qonun ijrosi tuman Kengashi doimiy komissiyasi yig‘ilishida ham muhokama qilinishi ma‘lum qilindi.