KAMBAG‘ALLIKNI QISQARTIRISH BO‘YICHA XATLOV ISHLARI OLIB BORILMOQDA

Tuman Kengashi deputati U.Esonaliyev G’urumsaroy mahallasida kambag‘allikni qisqartirish, aholi turmush sharoitini yaxshilash hamda oilalarning muammolarini aniqlashga qaratilgan ishlarni tashkil etmoqda.

Jumladan, PF-193-son Farmon ijrosini ta’minlash maqsadida mahallada xonadonma-xonadon xatlov ishlari olib borilmoqda. Jarayonda oilalarning ijtimoiy-iqtisodiy holati, mavjud muammolari, bandlik masalalari va daromad manbalarini oshirish imkoniyatlari o‘rganilmoqda.

Aniqlangan muammolarni tegishli tashkilotlar bilan hamkorlikda hal etish, ehtiyojmand oilalarni qo‘llab-quvvatlash, ularning bandligini ta’minlash va mavjud imkoniyatlardan samarali foydalanish bo‘yicha choralar belgilanmoqda.