MUAMMOLAR JOYIDA O‘RGANILDI

Xalq deputatlari tuman Kengashi deputati J. Mamadaliyev tomonidan Bo‘ston mahallasining J. Manguberdi ko‘chasida ko‘cha boshisi S. Ochilov bilan uchrashuv o‘tkazilib, hududdagi mavjud muammolar va ularni bartaraf etish masalalari muhokama qilindi.

Uchrashuv davomida ko‘cha ichki yo‘llarining holati, ularni ta’mirlash va aholi uchun qulay sharoit yaratish bo‘yicha masalalar ko‘rib chiqildi.

Shuningdek, fuqarolar tomonidan “Ochiq budjet” loyihasida g‘olib deb topilgan loyihalarni sifatli amalga oshirish, qurilish-ta’mirlash ishlarining belgilangan talablar asosida olib borilishini ta’minlash hamda mazkur jarayonlar ustidan deputatlik nazoratini o‘rnatish yuzasidan murojaat bildirildi.

Murojaatda ko‘tarilgan masalalar deputat tomonidan nazoratga olinib, ularning amaliy yechimini ta’minlash bo‘yicha tegishli ishlarni amalga oshirish belgilandi.