ЁШЛАР МУАММОЛАРИ БЎЙИЧА ТАҲЛИЛИЙ ЙИҒИЛИШ ЎТКАЗИЛДИ
Ёшлар маслаҳат гуруҳи фаолияти самарадорлигини ошириш мақсадида гуруҳ аъзолари иштирокида таҳлилий йиғилиш ўтказилди.
Йиғилишда ёшларни қийнаб келаётган муаммолар, уларнинг бандлигини таъминлаш, касб-ҳунарга ўқитиш, тадбиркорлик ташаббусларини қўллаб-қувватлаш, бўш вақтларини мазмунли ташкил этиш ҳамда ижтимоий ҳимояга муҳтож ёшларга манзилли кўмак кўрсатиш масалалари атрофлича муҳокама қилинди.
Шунингдек, ёшлар билан ишлаш борасида амалга оширилган ишлар натижалари танқидий-таҳлилий кўриб чиқилиб, мавжуд муаммоларни маҳалла ва ташкилотлар кесимида ўрганиш, ҳар бир мурожаат бўйича аниқ чора-тадбирлар белгилаш зарурлиги таъкидланди.
Йиғилиш якунида ёшлар муаммоларини тизимли ҳал этиш, уларнинг таклиф ва ташаббусларини қўллаб-қувватлаш ҳамда белгиланган вазифалар ижросини доимий назорат қилиб бориш юзасидан гуруҳ аъзоларига тегишли вазифалар белгилаб берилди.