Xalq deputatlari Qo‘qon shahar Kengashi kotibiyati mudiri A.Nosirov shahar hokimining birinchi o‘rinbosari O.Qurbonov hamrohligida “Ashurqulmergan” mahallasida bo‘lib, fuqaroning murojaati yuzasidan mahalla binosida uchrashuv o‘tkazdi.

Uchrashuv davomida fuqaroning murojaati tinglanib, mavjud imkoniyatlar va masalani amaliy hal etish yo‘llari muhokama qilindi. Fuqaro tomonidan o‘ziga ajratilgan 2 sotix yer maydonida issiqxona tashkil etish va bu borada amaliy yordam ko‘rsatish so‘rab murojaat qilingani ma’lum bo‘ldi.

Murojaat yuzasidan mahalladagi hokim yordamchisiga “Agrostar” platformasi orqali tegishli ko‘mak ko‘rsatish, fuqaroning tashabbusini amalga oshirishga amaliy yordam berish hamda bajarilgan ishlar yuzasidan shaxsan hisobot taqdim etish bo‘yicha topshiriq berildi.

Murojaatning ijrosi nazoratga olinib, fuqaroning issiqxona tashkil etish tashabbusini qo‘llab-quvvatlash va uni daromadli faoliyatga yo‘naltirish bo‘yicha tegishli ishlarni amalga oshirish belgilandi.

Xalq deputatlari Qo‘qon shahar Kengashi