Xalq deputatlari Yangiobod tumani Kengashi deputati A. Isroilov tomonidan 4-sonli davlat maktabgacha ta’lim tashkilotining kuz-qish mavsumiga tayyorgarlik holati o‘rganildi.

O‘rganish davomida ta’lim tashkilotining kuz-qish mavsumini barqaror va xavfsiz o‘tkazishga tayyorgarligi, xususan, isitish tizimlarining holati, bino va xonalarning mavsumga tayyorligi hamda zarur sharoitlarning yaratilgani ko‘zdan kechirildi.

Shuningdek, tarbiyalanuvchilar uchun issiq va qulay muhit yaratish, isitish tizimlaridan xavfsiz foydalanish, sanitariya-gigiyena talablariga rioya etish hamda mavsum davomida yuzaga kelishi mumkin bo‘lgan muammolarning oldini olish masalalariga e’tibor qaratildi.

Mavsumga tayyorgarlik jarayonida aniqlangan masalalar yuzasidan mas’ullarga tegishli tavsiya va ko‘rsatmalar berilib, ularni o‘z vaqtida bartaraf etish bo‘yicha zarur choralarni ko‘rish ta’kidlandi.