Xalq deputatlari Toyloq tuman Kengashining 15-“Bo‘g‘izog‘on” saylov okrugi deputati B. Xamrayev tomonidan Bo‘g‘izog‘on mahallasida istiqomat qiluvchi fuqarolarning murojaatlari o‘rganildi.

O‘rganishlar davomida fuqarolar tomonidan suyultirilgan gaz ta’minoti, shuningdek, maishiy chiqindilarni o‘z vaqtida olib chiqib ketish bilan bog‘liq qator muammolar ko‘tarildi.

Deputat aholi bilan bevosita muloqot qilib, bildirilgan murojaatlarning mazmun-mohiyatini hamda mavjud muammolarni joyiga chiqqan holda o‘rgandi.
Aniqlangan masalalarni ijobiy hal etish va muammolarni bartaraf etish yuzasidan tegishli mutasaddi tashkilotlarga murojaatlar yo‘llanib, ularning ijrosi deputatlik nazoratiga olindi.

Fuqarolar murojaatlarini o‘z vaqtida ko‘rib chiqish, mavjud muammolarni amaliy hal etish hamda aholi manfaatlarini ta’minlash borasidagi ishlar izchil davom ettiriladi.