Qabul davomida fuqarolar o‘zlarini qiynayotgan muammolar, oilaviy sharoiti, bandlik va daromad bilan bog‘liq masalalar yuzasidan murojaat qildilar. Har bir murojaat mas’ullar ishtirokida bevosita joyida ko‘rib chiqilib, imkon qadar shu yerning o‘zida yechim topishga e’tibor qaratildi.

Qo‘shimcha o‘rganishni talab qiladigan masalalar yuzasidan tegishli tashkilot rahbarlariga aniq topshiriqlar berilib, ularni hal etish muddatlari belgilandi.

uchrashuvda fuqarolarning bandligini ta’minlash, kasb-hunarga o‘qitish, munosib ishga joylashtirish, o‘zini-o‘zi band qilish hamda tadbirkorlik faoliyatini boshlash istagidagi fuqarolarni qo‘llab-quvvatlash masalalariga ham alohida e’tibor qaratildi.

Shuningdek, ijtimoiy reestrga kiritilish va undan chiqarilish tartibi, nafaqa va bola puli, ijtimoiy to‘lovlar bilan bog‘liq savollarga mutasaddilar tomonidan tushuntirishlar berildi.

Insonni qo‘llab-quvvatlash - uning muammosini eshitishdan boshlanadi. Uni mustaqil daromad topishga yo‘naltirish esa bu ko‘makning eng muhim natijasidir.