🔰Aholiga sifatli tibbiy xizmat ko‘rsatish – deputat e’tiborida

➡️Xalq deputatlari Jondor tumani Kengashi 19-Xumin saylov okrugidan saylangan deputati N. Fatullayeva tomonidan saylov okrugida aholiga o‘z vaqtida va sifatli tibbiy yordam ko‘rsatilishi holati o‘rganildi.

➡️O‘rganish davomida fuqarolarning tibbiy xizmatlardan foydalanish imkoniyatlari, murojaatlarning o‘z vaqtida ko‘rib chiqilishi, tibbiyot muassasalarining faoliyati hamda aholiga ko‘rsatilayotgan tibbiy xizmatlar sifati bilan bog‘liq masalalarga e’tibor qaratildi.

➡️Shuningdek, aholi bilan suhbatlar davomida ularning tibbiy xizmatga oid murojaat va takliflari tinglandi. Aniqlangan masalalarni tegishli mutasaddilar bilan birgalikda bartaraf etish, aholiga tibbiy yordamni yanada yaxshilash yuzasidan zarur choralarni ko‘rish belgilandi.

➡️Deputat N. Fatullayeva ta’kidlaganidek, fuqarolarning salomatligini muhofaza qilish, ayniqsa, tibbiy yordamning o‘z vaqtida va sifatli ko‘rsatilishini ta’minlash deputatlik nazoratining muhim yo‘nalishlaridan biridir.

➡️Bunday o‘rganishlar orqali saylovchilarning murojaatlari amaliy jihatdan o‘rganilib, mavjud muammolarni bartaraf etish bo‘yicha tegishli tashkilotlar oldiga aniq vazifalar qo‘yib boriladi.