Xalq deputatlari Marg‘ilon shahar Kengashi deputati A.Mahkamov tomonidan shahar hokimining qurilish va kommunal xo‘jalik masalalari bo‘yicha o‘rinbosariga rasmiy deputatlik so‘rovi yuborildi. Mazkur hujjat 2026-yil 15-sentabr kuni 121-ds-292-26-son bilan ro‘yxatga olingan.

Deputatlik so‘rovida respublikada ko‘kalamzorlashtirish ishlarini jadallashtirish va daraxtlarni muhofaza qilishga qaratilgan Farmon ijrosi yuzasidan masala ko‘tarilgan. Unda Marg‘ilon shahrida mazkur hujjat doirasida amalga oshirilgan ishlar, ekilgan daraxt va ko‘chatlar hamda mavjud yashil hududlarni muhofaza qilish bo‘yicha ko‘rilayotgan choralar haqida asoslantirilgan ma’lumot taqdim etish so‘ralgan.

Mazkur so‘rov orqali shaharda ko‘kalamzorlashtirish ishlarining amaldagi holati va daraxtlar muhofazasiga qaratilgan chora-tadbirlar deputatlik nazoratiga olinmoqda.