Sport maktabi faoliyati o‘rganildi

Xalq deputatlari Termiz tuman Kengashi raisi S.Nazarov va deputatlar tomonidan 4-Yangihayot saylov okrugi deputati G. Shafoatova saylangan hududdagi Termiz tuman sport maktabi faoliyati o‘rganildi.

O‘rganish jarayonida sport maktabidagi sport zallari, sport anjomlari va jihozlarning mavjudligi hamda texnik holati, shuningdek, yoshlarning sport bilan shug‘ullanishi uchun yaratilgan shart-sharoitlar ko‘zdan kechirildi.

Bugungi kunda yosh avlodni jismonan sog‘lom, irodali va vatanparvar etib tarbiyalashda sportning o‘rni beqiyos. Shu bois sport inshootlaridan samarali foydalanish, ularni zamonaviy jihozlar bilan ta’minlash va yoshlarni ommaviy sportga keng jalb etish masalalariga alohida e’tibor qaratildi.

📌 Mahalliy Kengash deputati faoliyatining eng muhim yo‘nalishlari bo‘yicha tavsiyalar:

🔹 sport zallari va sport jihozlarining holatini muntazam nazorat qilish;

🔹 eskirgan va yaroqsiz sport anjomlarini yangilash bo‘yicha takliflar kiritish;

🔹 yoshlarni sport to‘garaklariga keng jalb etish;

🔹 iqtidorli yosh sportchilarni aniqlash va qo‘llab-quvvatlash;

🔹 sport inshootlaridan samarali foydalanilishini ta’minlash;

🔹 mavjud muammolarni bartaraf etish yuzasidan tegishli tashkilotlarga takliflar kiritish va ularning ijrosini deputatlik nazoratiga olish.

Sog‘lom yoshlar — kuchli jamiyat, sportdagi yutuqlar esa yurtimiz kelajagining yorqin ifodasidir!