#kunlik_ish_reja_ijrosi
#deputat_faoliyati
#kotibiyat_xodimi_faoliyati
#Okrugda_o‘rganish
#Murojaat_va_ijro
#19_1_modda

Bandixon tumanida deputatlik nazorati: "Bahoriston" mahallasida 4,7 km yo‘lni asfaltlash jarayoni ko‘zdan kechirildi

Bandixon tumanida aholi uchun munosib va qulay infratuzilma sharoitlarini yaratish, ichki ko‘chalarni ta’mirlash hamda yo‘l-qurilish ishlarida sifat va shaffoflikni ta’minlash borasida deputatlik nazorati izchil amalga oshirilmoqda.

Xalq deputatlari Bandixon tumani Kengashi raisi, 14-Bahoriston saylov okrugi deputati S.Jumayev hamda tuman Kengashi bosh mutaxassisi B.Qurbonov "Bahoriston" MFYda bo‘lib, Mirzo Ulug‘bek ko‘chasida olib borilayotgan asfalt yotqizish ishlarining borishi va sifati bilan yaqindan tanishdi.

O‘rganish davomida ko‘chaning 4,7 km qismida bajarilayotgan qurilish-montaj ishlari, texnik reglament va me’yorlarga rioya etilish holati sinchiklab ko‘rib chiqildi.

Deputat tomonidan pudratchi tashkilot mas’ullariga yo‘l qoplamasi va qatlamlarining amaldagi shartlarga to‘liq javob berishini ta’minlash, qurilish ishlarini belgilangan muddatlarda sifatli yakunlash bo‘yicha ko‘rsatmalar berildi. Yo‘l qurilishi jarayoni tuman Kengashi va deputatlik nazoratida qoladi.