Tuman Kengashi deputati M. Turg‘unovga biriktirilgan Kengash kotibiyati bosh mutaxassisi G. Shodiyeva tomonidan tuman "Inson" ijtimoiy xizmatlar markazida O‘zbekiston Respublikasining 2020 yil 15 oktyabrda qabul qilingan “Nogironligi bo‘lgan shaxslarning huquqlari to‘g‘risida”gi O‘RQ–641-son Qonuni ijrosining ta’minlanish holati o‘rganildi.
🔰Qonun nogironligi bo‘lgan shaxslarning huquq va erkinliklarini ta’minlash, ularni kamsitishga yo‘l qo‘ymaslik, ijtimoiy xizmatlardan teng foydalanish imkoniyatlarini yaratish hamda ularning jamiyat hayotida to‘laqonli ishtirokini ta’minlashga qaratilgan.

🔰O‘rganish jarayonida markaz tomonidan nogironligi bo‘lgan shaxslarga ijtimoiy xizmatlar ko‘rsatish, reabilitatsiya vositalari bilan ta’minlash, ijtimoiy qo‘llab-quvvatlash choralarini amalga oshirish, murojaatlarni qabul qilish va ko‘rib chiqish hamda ijtimoiy xizmatlarni qonunchilik talablari asosida tashkil etish holati ko‘zdan kechirildi.