2-iyul — O‘zbekiston Respublikasi Davlat gerbi qabul qilingan kun

Bugun xalqimiz uchun faxr va g‘urur timsoli bo‘lgan O‘zbekiston Respublikasi Davlat gerbi qabul qilingan sana.

Davlat gerbi — mamlakatimiz mustaqilligi, suvereniteti, milliy qadriyatlari va xalqimizning ezgu orzu-intilishlarini o‘zida mujassam etgan muqaddas davlat ramzidir. Undagi Humo qushi erkinlik va baxt, quyosh nurlari porloq kelajak, bug‘doy boshoqlari va paxta shoxlari esa yurtimizning farovonligi hamda bunyodkorligini ifodalaydi.

Davlat ramzlariga hurmat ko‘rsatish — har bir fuqaroning muqaddas burchidir. Zero, Vatanga muhabbat uning ramzlarini e'zozlashdan boshlanadi.

🇺🇿 Muqaddas Davlat gerbimiz yurtimiz sha'ni, xalqimiz birligi va mustaqilligimizning abadiy timsoli bo‘lib porlayversin!