Deputat tashabbusi bilan mahallada piyodalar uchun qulay sharoit yaratilmoqda
Xalq deputatlari tuman Kengashi deputati G.Keldibekova tashabbusi bilan O‘rmonchi mahalla fuqarolar yig‘ini hududida aholiga qulaylik yaratish maqsadida piyodalar yo‘lakchalarini qurish ishlari amalga oshirilmoqda. Mahalla aholisining murojaatlari va ehtiyojlarini o‘rganish natijasida ilgari surilib, ayniqsa maktab o‘quvchilari, keksa yoshdagilar, xotin-qizlarning xavfsiz va qulay harakatlanishini ta’minlashga xizmat qiladi.
Qurilish ishlari belgilangan reja asosida olib borilmoqda. Barcha ishlar sifat talablariga muvofiq tashkil etilgan bo‘lib, yaqin kunlarda yo‘lakchalar aholi foydalanishiga topshirilishi rejalashtirilgan.Mahalla infratuzilmasini yaxshilash, aholi uchun munosib turmush sharoitini yaratish va hudud obodligini ta’minlash borasida amalga oshirilayotgan bunday amaliy ishlar fuqarolar tomonidan ham iliq kutib olinmoqda.