Xalq deputatlari Shayxontohur tuman Kengashining Ijtimoiy soha, yoshlar siyosati, madaniyat va sport  masalalari boʻyicha doimiy komissiyasi aʼzolari D.Islamova, N.Tuykulova va B.Boborajabovlar tomonidan 84-sonli umumtaʼlim maktabida bitiruvchi yoshlar bilan uchrashuv tashkil etildi.
Uchrashuv davomida yoshlarning orzu-intilishlari, kelgusi rejalari hamda kasb tanlash borasidagi fikrlari tinglandi.
Shuningdek, deputatlar tomonidan mamlakatimizda yoshlar uchun yaratilayotgan imkoniyatlar, oliy taʼlim, tadbirkorlik va bandlikka oid dasturlar haqida atroflicha maʼlumot berildi.
Samimiy muloqot tarzida oʻtgan tadbirda bitiruvchilar oʻzlarini qiziqtirgan savollarga javob oldilar hamda kelajakdagi maqsadlari haqida fikr almashdilar.
Uchrashuv yakunida deputatlar yoshlarni bilim olishga, vatanga sadoqat bilan xizmat qilishga va oʻz ustida muntazam ishlashga chaqirdilar. Bugungi yoshlar — ertangi taraqqiyot bunyodkorlaridir!