O‘zbekiston Respublikasi Oliy Majlisi Senati a’zosi, Senatning Fan, ta’lim va sog‘liqni saqlash masalalari qo‘mitasida doimiy asosda faoliyat yurituvchi senator Gulnora Mahmudovna Ma’rufova Chilonzor tumani Sharaf mahallasida joylashgan “Fairytale” nodavlat maktabgacha ta’lim tashkilotiga ham tashrif buyurdi.

✅ Muassasa rahbari Madina Masrurxonovna Dadabayeva tomonidan senatorga bog‘cha faoliyati, yaratilgan sharoitlar va istiqboldagi rejalar haqida ma’lumot berildi. 2023-yilda tashkil etilgan mazkur ta’lim muassasasi 10,2 milliard so‘mlik tadbirkor mablag‘lari hisobidan barpo etilgan bo‘lib, bir vaqtning o‘zida 200 nafar bolani qamrab olish imkoniyatiga ega. Muassasa faoliyati natijasida 50 nafar fuqaro doimiy ish o‘rni bilan ta’minlangan.

📊Senator bog‘chada bolalarning sifatli ta’lim va tarbiya olishi uchun yaratilgan zamonaviy sharoitlarni ko‘zdan kechirdi. Muassasani kengaytirish va faoliyatini yanada rivojlantirish bilan bog‘liq masalalar muhokama qilinib, mavjud muammolarni hal etish yuzasidan tegishli chora-tadbirlar belgilab olindi.