TADBIRKORLIK VA BANDLIK YO‘NALISHIDAGI ISHLAR O‘RGANILDI

Xalq deputatlari Quva tuman Kengashi deputati G.O‘ktamova hamda tuman Kengashi
kotibiyati bosh mutaxassisi A.Fozilov tomonidan Taxtako‘prik mahalla fuqarolar
yig‘ini hududida hokim yordamchisi tomonidan tadbirkorlikni rivojlantirish va
aholi bandligini ta’minlash borasida amalga oshirilayotgan ishlar manzilli
o‘rganildi.

O‘rganish jarayonida mahallada yangi tadbirkorlik sub’ektlarini tashkil etish,
aholini doimiy va daromadli ish bilan ta’minlash, o‘zini o‘zi band qilish
imkoniyatlarini kengaytirish hamda kambag‘allikni qisqartirish yuzasidan olib
borilayotgan ishlar tahlil qilindi.

Xususan, deputat va mutasaddilar mahalla hududida faoliyat yuritayotgan sut
mahsulotlarini qayta ishlash kichik korxonasida bo‘lib, ishlab chiqarish
jarayoni, mahsulot sifati, korxonaning iqtisodiy salohiyati hamda ishchilar
uchun yaratilgan mehnat sharoitlari bilan yaqindan tanishdilar.

Shuningdek, korxona faoliyati orqali yangi ish o‘rinlari yaratish, ishsiz
fuqarolarni bandlikka jalb qilish, mahalliy xomashyodan samarali foydalanish va
aholi daromadlarini oshirish borasida erishilayotgan natijalar muhokama
qilindi.

Muloqotlar davomida tadbirkorlik sub’ektlarini qo‘llab-quvvatlash, ishlab
chiqarish hajmini kengaytirish, qo‘shimcha ish o‘rinlari yaratish hamda aholi
bandligini yanada oshirish masalalari yuzasidan taklif va tavsiyalar berildi.

O‘rganish yakunida hokim yordamchisiga mahallada tadbirkorlikni rivojlantirish
va aholi bandligini ta’minlash borasidagi ishlarni yanada kuchaytirish bo‘yicha
tegishli vazifalar belgilab olindi.