Xalıq deputatları Bozataw rayonlıq Keńesi, 6-“Andijan” saylaw okruginen (XDP) saylanǵan deputat SH.Berdaxov rayondaǵı «Mákke awıl» máhállesindegi Mektepke shekemgi hám mektep bilimlendiriw bólimine qaraslı 10-sanlı ulıwma orta bilim beriw mektebinde boldı. Deputatlar dáslep mekteptiń ishki resurisları, oqıwshılardıń jetiskenlikleri hám sport zallarınıń sharayatları menen tanıstı. 

Úyreniw dawamında mektepte jaslardıń dene-tárbiya hám sport penen shuǵıllanıwı ushın jaratılǵan imkaniyatlar, mektep sırtındaǵı sport maydanshalardıń jaǵdayı, bar inventarlar hám olardıń jeterlilik dárejesi kózden ótkerildi. Sonıń menen birge, oqıwshılardıń sportqa bolǵan qızıǵıwshılıǵı hám olardı qollap-quwatlaw baǵdarında ámelge asırılıp atırǵan jumısların kózden ótkerdi.