Xalq deputatlari G‘ozg‘on shahar Kengashi kotibiyat xodimlari F.Hojiyev hamda D.Murodov Xalq deputatlari Nurota tuman Kengashi xodimlari bilan o‘zaro tajriba almashish maqsadida uchrashuv o‘tkazdi.

Uchrashuv davomida mahalliy davlat hokimiyati organlari faoliyatini samarali tashkil etish, deputatlik korpusi faoliyatini muvofiqlashtirish, kotibiyat ish yurituvini takomillashtirish hamda hujjatlar ijrosini nazorat qilish masalalari muhokama qilindi.

Mazkur tajriba almashish jarayoni O‘zbekiston Respublikasining “Mahalliy davlat hokimiyati to‘g‘risida”gi Qonuni (1993-yil 2-sentabr, №913-XII) talablari asosida tashkil etildi. Mazkur qonun asosida mahalliy vakillik organlari faoliyatini samarali yo‘lga qo‘yish, deputatlar va kotibiyat o‘rtasidagi hamkorlikni mustahkamlash, shuningdek mahalliy boshqaruv tizimini yanada takomillashtirish masalalariga alohida e’tibor qaratildi.

Uchrashuv davomida:

Kengash kotibiyati faoliyatini samarali tashkil etish;
deputatlar faoliyatini muvofiqlashtirish mexanizmlari;
hujjatlar aylanishi va ijro nazorati tizimi;
doimiy komissiyalar faoliyatini tashkil etish;
ilg‘or tajribalarni amaliyotga joriy etish masalalari yuzasidan fikr almashildi.

Shuningdek, mahalliy Kengashlar faoliyatini takomillashtirish, ish yuritish jarayonlarida samaradorlikni oshirish hamda hududlar o‘rtasida o‘zaro hamkorlikni kuchaytirish bo‘yicha takliflar bildirildi.

Tajriba almashish jarayonida tashkiliy ishlar, deputatlar bilan ishlash, qarorlar ijrosini nazorat qilish hamda kotibiyat faoliyatida zamonaviy yondashuvlarni qo‘llash bo‘yicha amaliy tavsiyalar ko‘rib chiqildi.

Mazkur uchrashuv mahalliy davlat hokimiyati organlari faoliyatini yanada takomillashtirish, o‘zaro hamkorlikni mustahkamlash va ish samaradorligini oshirishga xizmat qiladi.