Пахтаобод туманида ёшларнинг муаммо ва таклифларини ўрганиш, уларни қўллаб-қувватлаш ҳамда келажак режалари билан яқиндан танишиш мақсадида очиқ мулоқот ташкил этилди. Унда Халқ депутатлари Пахтаобод туман Кенгаши депутати, туман ҳокими Д.Саттаров иштирок этиб, ёшлар билан самимий суҳбат қурди.

Учрашув давомида ёшларнинг таълим олиши, касб-ҳунар эгаллаши, бандлигини таъминлаш, тадбиркорлик фаолиятини йўлга қўйиши ҳамда уларни қўллаб-қувватлашга қаратилган масалалар атрофлича муҳокама қилинди.

Мулоқот жараёнида ёшлар ўзларини қизиқтирган саволлар, таклиф ва ташаббуслари билан фаол иштирок этдилар. Туман раҳбари томонидан ҳар бир мурожаат эътибор билан тингланиб, тегишли масъулларга муаммоларни ҳал этиш юзасидан топшириқлар берилди.