#deputatlar_nazorati #poytaxtdeputatlari #deputatlik_faoliyati


❗️“Yashil makon” – kelajak avlod uchun ekologik mas’uliyat maktabi

🏛 Xalq deputatlari Toshkent shahar Kengashi deputati Umid Sanaqulov tashabbusi bilan “Yashil makon” umummilliy loyihasi doirasida Shayxontohur tumanidagi 588-sonli maktabgacha ta’lim tashkilotida ko‘chat ekish tadbiri tashkil etildi. Mazkur ekologik tashabbus atrof-muhitni asrash, yashil hududlarni kengaytirish hamda yosh avlod qalbida tabiatga mehr-muhabbat va ekologik madaniyatni shakllantirishga qaratilgani bilan ahamiyatlidir.

🌿 Tadbirda tuman deputatlari, ijtimoiy soha vakillari, mahalla faollari, ta’lim muassasasi jamoasi hamda tarbiyalanuvchilar faol ishtirok etdi. Hamjihatlik ruhida o‘tgan jarayonda hududga manzarali va mevali daraxt ko‘chatlari ekilib, ta’lim maskani atrofidagi yashil maydonlarni yanada kengaytirish bo‘yicha amaliy ishlar olib borildi.

🪴 Tadbir davomida ekologik muhitni yaxshilash, shahar hududlarida yashillik ko‘lamini oshirish, iqlim o‘zgarishlarining salbiy oqibatlarini kamaytirish hamda bolalarda tabiatni asrashga bo‘lgan mas’uliyat hissini kuchaytirish masalalariga alohida e’tibor qaratildi. Bu kabi tashabbuslar nafaqat bugungi kun ekologik muammolariga yechim, balki kelajak avlod uchun sog‘lom va musaffo muhit yaratish yo‘lidagi muhim qadamlardan biri ekani ta’kidlandi.

🤝 Xalq deputatlari Toshkent shahar Kengashi deputati Umid Sanaqulov tomonidan yashil hududlarni ko‘paytirish, mahallalarda ekologik madaniyatni yuksaltirish hamda aholini obodonlashtirish va ko‘kalamzorlashtirish ishlariga keng jalb etish borasidagi tashabbuslar izchil davom ettirilishi qayd etildi.

🌱 Yakunda sof havo, musaffo tabiat va yashil kelajakni barpo etish yo‘lida har bir ekilgan nihol ertangi kun uchun muhim sarmoya ekani, tabiatni asrash esa jamiyatning umumiy mas’uliyati ekani alohida ta’kidlandi.

📱 Telegram 📱 Instagram 📱 Facebook 📱 YouTube 🔎 E-kengash