Xalq deputatlari Bekobod shahar Kengashi deputati O‘zXDP a’zosi U.Abdunazarov tomonidan 1-iyun - Xalqaro bolalarni himoya qilish kuni munosabati bilan Bekobod shahridagi 18-maktabda “Baxtli bolalik” mavzusida bayram tadbiri tashkil etib, bolajonlarni ushbu qutlug‘ sana bilan samimiy muborakbod etdi. Tadbirda yosh avlodning baxtli va barkamol voyaga yetishi, ularning orzu-intilishlarini qo‘llab-quvvatlash har birimizning muhim vazifamiz ekanligini ta’kidladi. Bayram davomida bolalarga quvonch ulashish maqsadida muzqaymoqlar tarqatilib, ularning yuzlarida beg‘ubor tabassum va ko‘tarinki kayfiyat yanada mustahkamlandi. Farzandlar baxti — yurt kelajagi. Ularning beg‘ubor kulgisi va shodligi har birimiz uchun eng katta mukofotdir.