Xalq deputatlari Qo‘shko‘pir tuman Kengashi deputati Karimov Odamboy tashabbusi
bilan tumandagi 32-son maktabda “Bolalarni zo‘ravonlikning barcha shakllaridan
himoya qilish to‘g‘risida”gi Qonun ijrosiga bag‘ishlangan siyosiy-ma’rifiy
tadbir tashkil etildi. 

Tadbir davomida yosh avlodning huquq va manfaatlarini
himoya qilish, ularni har qanday zo‘ravonlik va salbiy ta’sirlardan asrash
davlat siyosatining ustuvor yo‘nalishlaridan biri ekani alohida ta’kidlandi.
Shuningdek, Yangi O‘zbekiston taraqqiyot strategiyasida inson qadri, ayniqsa,
bolalar manfaatlarini ta’minlash eng muhim vazifalardan biri sifatida
belgilanganligi qayd etildi.