Xalq deputatlari Chilonzor tuman Kengashi deputati Xusainov Alisher Abduvaxobovich taqdirlandi

Mustaqilligimizning 35 yilligi munosabati bilan yurtimizda inson qadri, mahalla obodligi va aholi farovonligini ta’minlashga qaratilgan ezgu ishlar yanada keng quloch yoymoqda.
Ana shunday yuksak maqsadlar yo‘lida samarali deputatlik faoliyatini olib borayotgan Xalq deputatlari Chilonzor tuman Kengashi deputati Xusainov Alisher Abduvaxobovich o‘z saylov okrugida aholi bilan yaqin muloqot o‘rnatib, fuqarolarni qiynayotgan muammolarni o‘rganish va ularning yechimini topishga alohida e’tibor qaratib kelmoqda.
Deputat o‘z okrugida muntazam ravishda fuqarolar bilan uchrashib, ularning murojaat va takliflarini tinglaydi, ko‘tarilayotgan masalalarni tegishli tashkilotlar bilan hamkorlikda hal etishga intiladi. Ayniqsa, mahalla obodligi, hududlarni ko‘kalamzorlashtirish, infratuzilmani yaxshilash, aholi uchun munosib va qulay yashash sharoitlarini yaratish masalalari uning deputatlik faoliyatida muhim o‘rin egallaydi.
Mustaqilligimizning 35 yilligi munosabati bilan Xusainov Alisher Abduvaxobovichning samarali deputatlik faoliyati, saylovchilar bilan yaqin hamkorligi va o‘z saylov okrugi rivojiga qo‘shayotgan munosib hissasi e’tirof etildi.
Xalq ishonchi — yuksak mas’uliyat, uni oqlash esa haqiqiy deputatlik faoliyatining eng muhim mezonidir.