Shu maqsadda xalq deputatlari Termiz shahar Kengashining 14-“Bog‘zor” saylov okrugi deputati O.Sharofutdinova hamda R.Mamashukurov “Bog‘zor” mahallasida bo‘lib, mahalla raisi hamda mahalla faoli bilan suhbat o‘tkazdilar.

Suhbat davomida mahallada bugungi kunda amalga oshirilayotgan obodonlashtirish ishlari, hududning sanitariya va tozalik holati, ko‘kalamzorlashtirish borasidagi ishlar, shuningdek, aholi bilan ishlash, fuqarolar murojaatlarini o‘rganish va ularning muammolarini hal etish holati yuzasidan ma’lumotlar olindi.

Muloqot jarayonida mahalla hududida mavjud muammolar, aholini qiynayotgan masalalar hamda ularni bartaraf etish bo‘yicha amalga oshirilayotgan ishlar muhokama qilindi. Shuningdek, aniqlangan kamchiliklarni o‘z vaqtida bartaraf etish, obodonlashtirish ishlarini yanada jadallashtirish va aholi bilan ishlash samaradorligini oshirish yuzasidan tegishli tavsiya va takliflar bildirildi.

Yakunida mahalladagi mavjud holatni yaxshilash, fuqarolar murojaatlari bilan ishlashni yanada kuchaytirish hamda hududda amalga oshirilayotgan ishlarning sifatli tashkil etilishini ta’minlash bo‘yicha kelgusidagi vazifalar belgilab olindi.