Sessiya kun tartibidan tumanda aholi farovonligi, hududning ijtimoiy-iqtisodiy barqarorligi, budjet mablag‘laridan samarali foydalanish, huquqni qo‘llash amaliyoti hamda aholi murojaatlari bilan ishlash samaradorligini oshirishga qaratilgan muhim masalalar o‘rin oldi.

✔️Jumladan, sessiyada:

🔹 aholi va hududlarni favqulodda vaziyatlardan muhofaza qilish borasida 2026-yil II choragida amalga oshirilgan ishlar;

🔹 O‘zbekiston Respublikasi Prezidentining Toshkent shahri Yunusobod tumanidagi Xalq qabulxonasining 2026-yil II choragida davlat organlari va tashkilotlari rahbarlarining faoliyati hamda murojaatlar bilan ishlash holati yuzasidan axboroti;

🔹 tumandagi davlat organlari va tashkilotlarida norma ijodkorligi faoliyati hamda huquqni qo‘llash amaliyoti bo‘yicha Yunusobod tuman Adliya bo‘limi tomonidan 2026-yil birinchi yarim yilligida amalga oshirilgan ishlar;

🔹 Yunusobod tumanini 2026-yilda kompleks ijtimoiy-iqtisodiy rivojlantirish dasturining II chorak yakuni bo‘yicha amalga oshirilgan ishlar;

🔹 tuman mahalliy budjetining 2026-yil II chorak yakunlari bo‘yicha ijrosi, shuningdek, daromadlar bazasini oshirish borasida amalga oshirilgan ishlar;

🔹 mahalliy budjetning 2026-yildagi qo‘shimcha manbalarini xarajatlarga yo‘naltirish;

🔹 tuman hokimligi huzuridagi “Infratuzilma va ijtimoiy barqarorlik” jamg‘armasi mablag‘larini xarajatlarga yo‘naltirish;

🔹 ko‘p kvartirali uylarni boshqarish tizimini takomillashtirishga oid qaror ijrosini ta’minlash bo‘yicha Kengashning avvalgi qaroriga o‘zgartirish va qo‘shimchalar kiritish;

🔹 O‘zbekiston Respublikasining 2026-yil 15-iyundagi O‘RQ–1153-son Qonunining Yunusobod tumanida ijrosini ta’minlash masalalari ko‘rib chiqildi.

📝Kun tartibidagi masalalar yuzasidan mas’ul rahbar va mutasaddilarning axborotlari eshitilib, deputatlar tomonidan bildirilgan taklif va mulohazalar muhokama qilindi.

🔠Sessiya yakunida ko‘rib chiqilgan masalalar yuzasidan tegishli qarorlar qabul qilinib, mas’ullarga aniq vazifalar belgilab berildi.

📌Xalq deputatlari Yunusobod tumani Kengashi faoliyatining asosiy maqsadi — hududda qonun ustuvorligini ta’minlash, aholi murojaatlarini manzilli hal etish, ijtimoiy-iqtisodiy rivojlanish ko‘rsatkichlarini yaxshilash hamda fuqarolarning qonuniy manfaatlarini ta’minlashga qaratilgan chora-tadbirlarning samarali ijrosini ta’minlashdan iborat.