Xalq deputatlari Uchquduq tuman Kengashi kotibiyati mudiri M.Kamolova tomonidan 6-Tog‘ saylov okrugi hududida mavjud infratuzilma holatini o‘rganish maqsadida joyiga chiqib monitoring ishlari amalga oshirildi.

O‘rganish davomida hududdagi ichki ko‘cha yo‘llarining bugungi holati, ularning ta'mirtalab qismlari, ko‘chalarning tungi yoritilishi hamda mavjud yoritish tizimlarining ishlash holati atroflicha ko‘zdan kechirildi. Shuningdek, bolalar maydonchalarining sanitariya va texnik holati, ulardagi o‘yin jihozlarining foydalanishga yaroqliligi ham o‘rganildi.

Monitoring jarayonida aniqlangan muammo va kamchiliklar tegishli tartibda qayd etilib, ularni bartaraf etish yuzasidan mas'ul tashkilotlar bilan hamkorlikda zarur choralarni ko‘rish bo‘yicha taklif va tavsiyalar ishlab chiqildi.

Bunday o‘rganishlar hududlarda mavjud muammolarni o‘z vaqtida aniqlash, fuqarolar uchun qulay va xavfsiz sharoitlarni yaratish hamda infratuzilmani yanada yaxshilashga xizmat qiladi.