DEPUTAT SAYLOVCHILAR OLDIDA AXBOROT BERDI

Fuqarolar bilan ochiq muloqot qilish, ularning murojaat va takliflarini tinglash hamda deputatlik faoliyati yuzasidan muntazam axborot berib borish xalq deputatlari mahalliy Kengashlari deputatlarining ustuvor vazifalaridan biridir.
O‘zbekiston Respublikasining "Xalq deputatlari viloyat, tuman va shahar Kengashi deputatining maqomi to‘g‘risida"gi Qonuniga muvofiq tasdiqlangan reja-jadval asosida Xalq deputatlari Marg‘ilon shahar Kengashining 20-Terak tagi saylov okrugi deputati Rustamjon Tojimatovich Madaminov saylovchilar bilan navbatdagi ochiq muloqotni o‘tkazdi hamda 2026-yilning birinchi yarim yilligida amalga oshirgan deputatlik faoliyati yuzasidan hisobot axborotini taqdim etdi.
(Uchrashuvda mahalla yettiligi, ko‘cha boshilari, mahalla oqsoqollari, shahar kommunal xizmatlari mutasaddilari hamda keng jamoatchilik vakillari ishtirok etdi.)

Deputat Kengash kotibiyati tomonidan tayyorlangan tahliliy ma'lumotlar asosida shahar va saylov okrugida 2026-yilning birinchi yarmida amalga oshirilgan bunyodkorlik va obodonlashtirish ishlari, yo‘l hamda muhandislik-kommunikatsiya infratuzilmasini yaxshilash, aholi turmush farovonligini oshirishga qaratilgan loyihalar, shuningdek fuqarolar murojaatlari asosida amalga oshirilgan amaliy ishlar haqida batafsil ma'lumot berdi.

Shuningdek, deputat tomonidan saylov okrugida olib borilgan o‘rganishlar, deputatlik nazorati doirasida hal etilgan masalalar hamda mavjud muammolarni bartaraf etish yuzasidan amalga oshirilayotgan ishlar yuzasidan ham atroflicha axborot berildi.

Muloqot davomida saylovchilar hududdagi dolzarb masalalarni ko‘tardilar. Jumladan, Qandahor va Soybo‘yi ko‘chalarida yangi transformator o‘rnatish, mahalla dam olish binosini elektr energiyasi va ichimlik suvi bilan ta'minlash zarurligi ta'kidlandi.