#kotibiyat_xodimi_faoliyati
#nazorat_tahlil
#mahalla_yettiligi_bilan_hamkorlik

Mahalla yettiligi faoliyati va infratuzilma loyihalari o‘rganildi

Xalq deputatlari Qiziriq tumani Kengashiga 8-Yangi yo‘l saylov okrugidan saylangan deputat A.Ergashevga biriktirilgan tuman Kengashi kotibiyati bosh mutaxassisi A.Mamarajabov deputatning saylov okrugidagi "Yangikent" mahallasida bo‘lib, mahalla yettiligi faoliyati hamda hududda amalga oshirilayotgan infratuzilma loyihalari bilan tanishdi.

O‘rganish davomida mahalla yettiligi tomonidan aholi murojaatlari bilan ishlash, hududni obodonlashtirish, ijtimoiy muammolarni bartaraf etish va davlat dasturlari ijrosini ta’minlash borasida amalga oshirilayotgan ishlar ko‘zdan kechirildi.

Shuningdek, mahallaning "Oybek" ko‘chasida amalga oshirilayotgan qurilish ishlari joyida o‘rganildi. Mazkur ko‘chada 1 kilometr uzunlikda piyodalar yo‘lagi barpo etish rejalashtirilgan bo‘lib, hozirgi kunga qadar 350 metr qismida qurilish ishlari yakunlangani qayd etildi.

O‘rganish yakunida ishlarni belgilangan muddatlarda va sifatli yakunlash, hudud infratuzilmasini yanada yaxshilash hamda aholi uchun qulay shart-sharoitlar yaratish masalalari yuzasidan mas’ullar bilan fikr almashildi. Deputatlik nazorati doirasida mazkur loyihaning ijrosi yuzasidan monitoring ishlari davom ettiriladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram