Xalq deputatlari Mirzo Ulug‘bek tumani Kengashi deputati, Kengashning Qurilish, kommunal sohalar, agrar, ekologiya, sanoat va transport masalalari bo‘yicha doimiy komissiyasi a’zosi Muzaffar Mamayusupov “Mirzo Ulug‘bektumangaz” gaz ta’minoti bo‘limiga tashrif buyurdi.

Tashrifda tashkilot vakillari deputatni amalga oshirilayotgan ishlar, keluvchi fuqarolar uchun yaratilgan sharoitlar va kuz-qish mavsumiga tayyorgarlik ko‘rish bo‘yicha chora-tadbirlar bilan yaqindan tanishtirdilar.

Shuningdek, tashkilot vakillari o‘zining binosi yo‘qligi sababli moddiy-texnika bazasi uchun sharoitlar talab darajasida emasligi hamda ushbu masala yuzasidan biror-bir chora ko‘rilishi lozimligini ta’kidlab o‘tdilar.

Kengash deputati tashkilotning mavjud muammolari yuzasidan Xalq deputatlari Toshkent shahar Kengashining deputati bilan belgilangan tartibda ko‘rib chiqilishida amaliy yordam berishini ma’lum qildi.