Tadbirkorlik subyektlariga ko‘rsatilayotgan obodonlashtirish xizmatlari va tariflar o‘rganildi

Xalq deputatlari Navoiy shahar Kengashi deputati Xasanova Gulshan Zokirovna, Navoiy shahar Kengashi kotibiyati bosh mutaxassisi Muborak Astanova hamda ishchi guruh aʼzolari Navoiy shahar obodonlashtirish boshqarmasi tomonidan markaziy ko‘chalar bo‘yida joylashgan tadbirkorlik subyektlariga ko‘rsatilayotgan xizmatlar yuzasidan o‘rganish ishlarini olib bordilar.

O‘rganish davomida tadbirkorlik subyektlari bilan tuzilgan shartnomalar asosida chiqindilarni olib chiqish, hududlarni obodonlashtirish hamda sanitariya-tozalik holatini taʼminlash bo‘yicha ko‘rsatilayotgan xizmatlar va ushbu xizmatlar uchun belgilangan tariflar o‘rganildi.

Shuningdek, shartnoma majburiyatlarining bajarilishi, chiqindilarni belgilangan tartibda va o‘z vaqtida olib chiqish holati, ko‘rsatilayotgan xizmatlar sifati hamda hududlarda obodonlashtirish ishlarining tashkil etilishi ko‘zdan kechirildi.

O‘rganish yakunlari bo‘yicha aniqlangan holatlar yuzasidan masʼullarga tegishli tavsiya va takliflar bildirildi. Mazkur o‘rganish shahar hududida sanitariya-tozalikni taʼminlash, obodonlashtirish xizmatlari sifatini oshirish hamda tadbirkorlik subyektlariga ko‘rsatilayotgan xizmatlarni yanada takomillashtirishga xizmat qiladi.