Xalq deputatlari Toyloq tumani Kengashi kotibiyati mudiri, 15-Bog‘izog‘on saylov okrugi deputati B.Xamrayev tomonidan "Bog‘izog‘on" mahallasida amalga oshirilayotgan ijtimoiy-iqtisodiy islohotlar, xususan, aholi bandligini ta’minlash va tadbirkorlikni rivojlantirish borasidagi ishlar ko‘zdan kechirildi.
O‘rganish davomida mahalladagi hokim yordamchisining amaliy ko‘magi hamda davlatimiz tomonidan ajratilgan imtiyozli kredit mablag‘lari hisobiga ishga tushirilgan yangi mikroloyiha faoliyatiga alohida e’tibor qaratildi.
✍️Hududda yangidan tashkil etilgan o‘simliklar va hayvonlar himoyasi uchun veterinariya vositalari savdo do‘koni mahalla ahli, ayniqsa, dehqon va chorvadorlar uchun ayni muddao bo‘ldi. Mazkur loyiha nafaqat hududdagi agrar va chorvachilik tarmoqlari rivojiga xizmat qilmoqda, balki eng muhimi — yangi ish o‘rinlari yaratilishiga zamin hozirladi.
✍️Deputat B.Xamrayev tadbirkor bilan suhbatda mahallabay ishlash tizimi orqali bu kabi kichik biznes sub’yektlarini ko‘paytirish, aholi bandligini ta’minlash va ichki bozorni sifatli mahsulotlar bilan to‘ldirish Kengash deputatlarining doimiy e’tiborida ekanligini ta’kidladi.

✅Bizni kuzatib boring: 👇
|📲 Telegram | 💻Facebook