O‘zbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi PF-209-son Farmoniga asosan mahallaning jamiyat hayotidagi o‘rnini oshirish hamda boshqaruv tizimini takomillashtirish maqsadida “Mahalla yettiligi” faoliyati yuzasidan o‘rganish ishlari olib borildi.Xalq deputatlari Parkent tumani Kengashining 16-«Bodomtepa» saylov okrugidan saylangan deputati Ashirmatova Xurshida Soliyevna tomonidan «Quruqsoy» MFYda faoliyat yuritayotgan
ijtimoiy xodim To`raboyeva Dilnoza Baxtiyor qiziningning ish faoliyati hamda aholining ijtimoiy ehtiyojmand toifalariga ko‘rsatilayotgan xizmatlar sifati o‘rganildi.Nazorat tadbiri davomida yolg‘iz keksalar, nogironligi bo‘lgan shaxslar va kam ta’minlangan oilalarni qo‘llab-quvvatlash, ularga ijtimoiy nafaqalar va moddiy yordam tayinlash hamda yetkazish jarayonlari tahlil qilindi.O‘rganish natijalariga ko‘ra mahallada 80 nafar nogironligi bo‘lgan fuqaro, 10 nafar alohida ijtimoiy ko‘makka muhtoj shaxs, 8 ta kambag‘allik chegarasidagi va 9 ta kambag‘al oila mavjudligi aniqlandi.Shuningdek, 2026-yil davomida 9 ta ehtiyojmand oilaga oziq-ovqat va moddiy yordam ko‘rsatilgani, 2 nafar fuqaroga davolanish uchun tavsiyanoma rasmiylashtirilgani, 20 ga yaqin fuqaro POM va RTV mahsulotlari bilan ta’minlangani hamda 6 nafar nogironligi bo‘lgan mehnatga layoqatli shaxsning doimiy ish bilan bandligi ta’minlangani ma’lum qilindi.O‘rganish yakunida ijtimoiy himoyaga muhtoj oilalarni qo‘llab-quvvatlash, aniqlangan masalalarni bosqichma-bosqich bartaraf etish hamda mahallada ijtimoiy xizmatlar samaradorligini yanada oshirish bo‘yicha tegishli tavsiyalar berildi.