🔍 Sonǵı jıllarda rayon xalqına medicinalıq xızmet kórsetiw sapasın jaqsılaw, zamanaǵa say medicinalıq járdemdi jolǵa qoyıw hám xalıqtıń bul tarawdan razılıǵın arttırıw boyınsha qatar jumıslar ámelge asırılmaqta.
📌 Usı maqsette turaqlı komissiya baslıǵı D.Ibadullaeva tárepinen Shomanay rayon medicina birlespesinde úyreniw jumısları alıp barıldı.
Úyreniw dawamında:
✅ 2026-jıldıń birinshi yarım jıllıǵında ámelge asırılǵan jumıslar;
✅ xalıqqa medicinalıq járdem kórsetiw sapası;
✅ dári-dármaq penen támiyinlew jaǵdayı;
✅ profilaktikalıq ilajlardıń nátiyjeliligi;
✅ medicina mekemeleriniń materiallıq-texnikalıq bazası;
✅ xalıqtı qiynap atırǵan máseleler hám múrájatlar jaǵdayı úyrenildi.
🤝 Deputatlıq úyreniwdiń baslı maqseti – kemshilik izlew emes, al xalıqqa kórsetilip atırǵan medicinalıq xızmet sapasın jáne de joqarı dárejege kóteriw, bar bolǵan mashqalalardı anıqlap, olardı sheshiw boyınsha ámeliy usınıslar islep shıǵıw.
💬 Sebebi hár bir insan ushın eń qımbat baylıq – bul densawlıq.