Davra suhbatida viloyatlar va Toshkent shahar Kengashlari raislari, kotibiyat mudirlari, doimiy komissiyalar raislari, shuningdek, tuman (shahar) Kengashlari kotibiyatlari mudirlari hamda “mahalla yettiligi” faoliyatiga daxldor vazirlik va idoralar vakillari qatnashmoqda.

Tadbir davomida mahallalarda amalga oshirilayotgan islohotlar samaradorligini oshirish, aholi muammolarini manzilli hal etish, mahalliy vakillik organlari va mahalla institutlari o‘rtasidagi hamkorlikni yanada mustahkamlash masalalari muhokama qilinmoqda.

Mahalla tizimining jamiyat hayotidagi o‘rni va ahamiyatini yanada kuchaytirish, fuqarolarning farovonligini ta’minlash hamda hududlarni kompleks rivojlantirishda “mahalla yettiligi” va mahalliy Kengashlarning o‘zaro hamjihat faoliyati muhim omil ekanligi ta’kidlandi.