Xalq deputatlari Ishtixon tuman Kengashi deputati S.Abdug‘aniyev tomonidan yuborilgan deputatlik so‘rovi asosida “To‘por” mahallasi hududida joylashgan “Polvon ota” qabristonining ta’mirtalab holatga kelgan devor-to‘siqlarini tiklash ishlari amalga oshirildi.

Bajarilgan ishlar holatini o‘rganish maqsadida Xalq deputatlari Ishtixon tuman Kengashi kotibiyat mudiri N.Kiyamov hamda deputat M.Raximov tomonidan qabriston hududida o‘rganish olib borildi.

O‘rganish davomida avval aniqlangan kamchiliklar bartaraf etilgani, devor-to‘siqlarning ta’mirlanib, hududning obodonlashtirish holati yaxshilangani qayd etildi. Amalga oshirilgan ishlar natijasida qabriston hududining ko‘rkamligi va sanitariya holatini yaxshilashga erishildi.

Fuqarolar murojaatlari va deputatlik so‘rovlari asosida hududlarda mavjud muammolarni hal etish, aholi uchun qulay sharoitlar yaratish hamda obodonlashtirish ishlarini jadallashtirish borasidagi ishlar davom ettirilmoqda.

Mazkur masala yuzasidan olib borilgan ishlar deputatlik nazoratining amaliy natijasi sifatida e’tirof etildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)