🔹Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya faoliyatida tadbirkorlikni qo‘llab-quvvatlash, aholini ijtimoiy himoya qilish, davlat xaridlarining shaffofligini ta’minlash hamda zamonaviy iqtisodiy munosabatlarni rivojlantirishga oid qonun hujjatlarini chuqur o‘rganish muhim ahamiyat kasb etadi.

🔹Mazkur qonunlar iqtisodiy islohotlarni jadallashtirish, biznes subyektlari faoliyati uchun qulay muhit yaratish, byudjet mablag‘laridan samarali foydalanish va fuqarolarning ijtimoiy manfaatlarini himoya qilishga xizmat qiladi.

🔹Tadbirkorlik va byudjet sohasi bo‘yicha o‘rganilishi lozim bo‘lgan muhim qonunlar:

🔹 “Fuqarolarning davlat pensiya ta’minoti to‘g‘risida”gi O‘zbekiston Respublikasining Qonuni
938-XII | Qabul qilingan sana: 03.09.1993
Mazkur qonun fuqarolarning pensiya ta’minoti sohasidagi huquqlarini kafolatlaydi hamda ijtimoiy himoya tizimining huquqiy asoslarini belgilaydi.

🔹 “Oilaviy tadbirkorlik to‘g‘risida”gi O‘zbekiston Respublikasining Qonuni
O‘RQ-327 | Qabul qilingan sana: 26.04.2012
Qonun oilaviy biznesni tashkil etish va rivojlantirish, yangi ish o‘rinlari yaratish hamda aholining daromad manbalarini kengaytirishga xizmat qiladi.

🔹 “Tadbirkorlik faoliyati erkinligining kafolatlari to‘g‘risida”gi Qonunga o‘zgartish va qo‘shimchalar kiritish haqida O‘zbekiston Respublikasining Qonuni
O‘RQ-328 | Qabul qilingan sana: 02.05.2012
Ushbu hujjat tadbirkorlik subyektlarining huquqlari va qonuniy manfaatlarini himoya qilish, ularning erkin faoliyat yuritishi uchun zarur kafolatlarni mustahkamlaydi.

🔹 “O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil to‘g‘risida”gi O‘zbekiston Respublikasining Qonuni
O‘RQ-440 | Qabul qilingan sana: 29.08.2017
Mazkur qonun tadbirkorlarning murojaatlarini ko‘rib chiqish, ularning huquqlarini himoya qilish hamda davlat organlari bilan o‘zaro munosabatlarda qonuniy manfaatlarini ta’minlashga qaratilgan.

🔹“To‘lovga qobiliyatsizlik to‘g‘risida”gi O‘zbekiston Respublikasining Qonuni
O‘RQ-763 | Qabul qilingan sana: 12.04.2022
Qonun moliyaviy qiyinchilikka duch kelgan xo‘jalik yurituvchi subyektlarning faoliyatini sog‘lomlashtirish va kreditorlar manfaatlarini himoya qilish mexanizmlarini belgilaydi.

🔹 “Davlat xaridlari to‘g‘risida”gi O‘zbekiston Respublikasining Qonuni
O‘RQ-684 | Qabul qilingan sana: 22.04.2021
Davlat xaridlarini amalga oshirishda ochiqlik, shaffoflik va raqobat tamoyillarini ta’minlash hamda byudjet mablag‘laridan samarali foydalanishga xizmat qiladi.

🔹“Elektron tijorat to‘g‘risida”gi O‘zbekiston Respublikasining Qonuni
O‘RQ-792 | Qabul qilingan sana: 29.09.2022
Mazkur qonun elektron savdo munosabatlarini tartibga solish, raqamli iqtisodiyotni rivojlantirish va tadbirkorlikning zamonaviy shakllarini qo‘llab-quvvatlashga qaratilgan.

🔹Ushbu qonun hujjatlarini puxta o‘rganish mahalliy Kengash deputatlariga iqtisodiy islohotlarni samarali qo‘llab-quvvatlash, tadbirkorlikni rivojlantirish, byudjet mablag‘laridan oqilona foydalanish hamda hududlarning iqtisodiy salohiyatini oshirish borasidagi faoliyatida muhim huquqiy asos bo‘lib xizmat qiladi.

✍️Oltinsoy tumani Kengash Kotibiyati Axborot xizmati