Navbatdagi o‘rganish obyekti “Temiryo‘lchi” mahallasi bo‘ldi. Xalq deputatlari Termiz shahar Kengashi kotibiyati mudiri, deputat A.Ashurov, Kengash deputati X.Fayzullayev hamda kotibiyat bosh mutaxassisi R.Mamashukurovlar mahalla hokim yordamchisining faoliyatini tahlil qilish barobarida, aholi bilan ham ochiq muloqot o‘tkazdilar.

💬 Suhbat davomida fuqarolarning mahalla xodimlari faoliyatiga bo‘lgan munosabati, ko‘rsatilayotgan xizmatlar sifati hamda aholini tadbirkorlikka jalb etish borasidagi ishlar o‘rganildi. Ochiq muloqot jarayonida mahalla tizimidagi o‘zgarishlar va aholini qo‘llab-quvvatlash mexanizmlari yuzasidan fikr almashildi.

🟢O‘rganishlar davomida hokim yordamchisi ko‘magida amalga oshirilgan aniq natijalarga ham guvoh bo‘lindi. Jumladan, kambag‘allik reyestridagi fuqaro N.Xurramovaga oilaviy tadbirkorlikni yo‘lga qo‘yish uchun imtiyozli kredit ajratilishiga ko‘maklashilgan.

🟢Ajratilgan kredit evaziga mahalla hududida yangi oziq-ovqat do‘koni faoliyati yo‘lga qo‘yilib, oilaning doimiy daromad manbai yaratilgan.

⏺Mazkur amaliy natijalar O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-son Qarori ijrosi doirasida hududlarda olib borilayotgan tizimli ishlarning amaliy ifodasi bo‘lib xizmat qilmoqda.

📌 Qarorda belgilangan vazifalarga muvofiq, mahallalarda kambag‘allikni qisqartirish, aholini daromadli mehnatga jalb etish, oilaviy tadbirkorlikni qo‘llab-quvvatlash hamda “mahallabay” ishlash tizimini kuchaytirish masalalari ustuvor yo‘nalish sifatida belgilangan.

💬Deputatlar bu kabi manzilli yordamlar kambag‘allikni qisqartirishda eng samarali vositalardan biri ekanligini ta’kidlab, hokim yordamchisiga boshqa ehtiyojmand oilalarni ham tadbirkorlikka jalb qilish, ularga moliyaviy va amaliy ko‘mak berish yuzasidan tegishli tavsiyalar berdilar.